الأحد، 24 أغسطس، 2014

كلمات - جاني خبر (مرثيه)

جاني خبر مزعل فرحان_mz3l-fr7an

جاني خبر (مرثيه)

جاني خبر في غربتي ، قيل بركود

صوب الرياض اسرع و شد الرحالي


قلت السبب قالو مريضٍ و بــه زود
على فراشه طايح من ليــــــالي

يبي يشوفك دامه اليوم موجود
علك تشوفه لي وصلته سالي

حاولت اعرفه قالو الوقت محدود
لالاتضيع وقتك اليوم غالي

رجعت فكري تايهٍ شبه مفقود
متخدرٍ جسمي وفكري وبالي

ساعة دخلت وشفت اناالبيت محشود
بالناس كلٍ يزعج الصوت عالي

حتى الصغير اللي من ايام مولود
يبكي ودمعه فوق الاوجان سالي

نشدتهم وش صار بايامي السود
منهو توفى..من فقدناه غالي

قالوا ترى امك يابن الاجواد بالعود
بالعود مدفونه من اربع ليالي

جاها قضاها ويومها اليوم موعود
والموت حق وكلنا للزوالي

من هرجهم حبل الحزن صار معقود
في خافقي والموت وقته طرالي

بغيت اجامل كل من كان موجود
لكن حزنـي ترجم احوال بالي

وانهل دمعي وانتثر فوق الاخدود
ساعة نظرة فراشها والعيالي

ياليتني في قبرها اليوم موجود
وهي على الخد الوسيعه بدالي

لا شك حكم الرب ماعنه مردود
امنت به ربي عليه اتكالي


من يقنع المرأة أن «الجمال الحسي» لن يدوم.. و«جمال الروح» هو ما يبقى إلى نهاية العمر؟

0 التعليقات:

إرسال تعليق

( مَا يَلْفِظُ مِن قَوْلٍ إِلا لَدَيْهِ رَقِيبٌ تذكر أن الله يراك)
1- اي روابط سبام حذف + حجب العضو
2- الأداره مدققه جدا بنشر اي روابط مخالفه ..

(استغفر الله العلي العظيم واتوب إليه
سبحان الله وبحمده سبحان الله العظيم
اللهم صلَّ وسلم على نبينا محمد وعلى آله وصحبه أجمعين
(اذكروا الله يذكركم)

شكرا لمتابعتكم لمدونه منتديات غزل المدينه ..
منتديات غزل المدينه
موقع غزل
ألأداره ..: